091026 重陽拜山日 今日好想寫一篇關於我的家族的事 =] 話說今日又係一年兩度既拜山日
今日發生左一件拜左20年山都未發生過既事
就係 我的堂哥哥比蜜蜂針!!!! 咁呢 我地拜山係真係要上山o個D
行d好窄既小路 執邊都係草同埋大樹既小路
由細到大我地上上落落呢個山都咁多年
行o個d小路 小不免就係有D樹枝勾落黎 擋住左條路
咁呢 如果不想麻煩既 我地就會行開D兜開D行就算 唔惦到D樹枝
咁一D大人呢 (例如我爸爸、叔叔s) 可能就會推開佢or折斷d樹枝
等D樹枝唔好擋住條路阻住人行 咁今日呢 如常既情況又再現
細叔很好心的 將樹枝推入D
點知行後面既堂哥哥突然慘叫 然後堂姐姐都大叫
連我的小小堂細佬都叫 然後我擰轉一望
見到佢地全部攬實自己個頭樽左O係地下 .. "好多蜜蜂呀!!!!!!"
唔記得係邊個嗌 總之個實際情況就係好混亂
堂哥哥嗌到好大聲不停嗌好痛 好多蜜蜂針佢 係 好多
係 一堆 誰想像下好多蜜蜂o係個頭上面 . . . 各個細路/年青人/老弱婦孺 都係大叫同埋瘋狂咁跑上山
唯獨我兩個叔叔 一個係細叔 一個係鴻叔
佢地攬實我堂哥哥、堂姐姐、堂細佬
掃開D蜜蜂 係 徒手、撥開 o係我堂哥哥頭上面O個一堆蜜蜂 (我再次強調, 係一堆)
唔可以用冷靜去形容佢地 因為佢地根本係唔當係一回事... 個情景好似係佢地見到隻 蚊 然後掃走咁 又唔知點解 D蜜蜂對我兩個叔叔黎講 完全冇殺傷力
堂哥哥比D bees針到成頭腫晒 耳仔腫晒
但係兩個叔叔完全冇事 最後 堂哥哥堂姐姐 急症送入院 打左兩支針
其實堂哥哥係嚴重D
但堂姐姐因為敏感要留院觀察 呢個故事教訓我地：o係郊外唔好立亂惦野
因為你唔會知道郁一支樹幹 會郁埋佢隔離棵樹
而原來 o個棵樹上面係有一個好似西瓜咁大既蜂巢 - - - - - 事後 我既叔叔們講番佢地細個
佢地話佢地由細到大玩昆蟲大 冇咩好驚
一路聽佢地講 一路覺得 很很很有型  或者你地要親身感受下 先明白點解我會咁仰慕佢地 =] 住村既我 由細到大都見好多昆蟲動物
亦都係由細到大都見到鄧氏家族既男人係幾咁大膽
好細個 已經見過我既叔叔們去殺死一條蛇
好細個 已經見過佢地玩蜈宮
好細個 已經見過佢地捉呢樣捉o個樣 佢地話 "細個玩就係玩呢D架喇 " 大個左 我先知道原來係有男仔怕昆蟲
大個左 我先知道原來係有男仔驚曱甴
大個左 我先知道原來係有男仔怕狗怕貓...
大個左 我先知道原來有好多人未見過 "臭屁x"
(一種昆蟲, 很臭, 外表像蟑螂, 但個底白色) 冇辦法 我從小生活o係村屋
o係我家族入面既所有男丁 都係對於天生天養既動物毫不畏懼 其實 圍村佬真係好有型架哈哈 
我真係覺得我既叔叔都好有型 當然最型係我呀爸
所以 如果你係男仔但你怕蟑螂 反而要由女仔去殺死佢
我會由心入面睇唔起你  (請自行對號入座 XDD)
再其實 只要你感受過一次
廈村十年一次既打醮 你已經發覺圍村男人其實係好有型
中五那年 拿著相機追著舞龍的爸爸拍照
很開心 很滿足 因為留下了爸爸很有型很man的一刻 *v* 哈哈 唔好以為舞龍好易 條龍仲長過元朗條大馬路呀
由廈村舞去流浮山再舞番番廈村 我計過 有40公厘!!!!!!!!
我o個時淨係同淑鑾o係執邊喪跑已經攰到傻左 =v=
但真係好好玩 超好玩 勁好玩
一邊跑一邊嗌 衝呀 !!! 上呀 !!!!!殺呀!!!!!!!
可惜 下一次已經係我26歲既時候喇 =_= thats my lovely dad!
taken @ 2004年11月
哈哈睇番我對上打醮篇日記 笑到痴左線
好在o個時有記低je !!!!! 以後都要將生活好好記下 =]
不要懶惰了 =__= - - - - - - - 題外話 最後走既時候 見到一條死左既蛇 鴻叔&爸爸：
拿, 呢條叫金腳大~
比呢D咬到呢 半個鐘之內唔去醫院就真係死得人ga la~ 哈哈原來佢地連蛇既species 都認得囉 !!!
XDDDDDDDDDDDDDDDD - - - - - - - 題外話2 今天我問叔公：叔公～你件長袍係咪買左好耐ga la ??
叔公 ：(想了一下) 唔係好耐ja ma~~
叔公：買左 十年、八年 ja ma ~
我： ．．．．．．．．．． 對於老人家黎講
其實十年、八年 真係算係咩一回事呢?
- - - - - - - - 哇你睇到落尾 比個good你 ! 
| 
